ROXAS CITY – Arestado ang 58-anyos nga lalaki pinaagi sa drug buy bust operation sang mga katapo sang Station Drug Enforcement Team (SDET) sang Roxas Component City Police Station, sa Barangay Lawaan, sini nga syudad, kaina sang kaaganhon.
Ginkilala ang suspek kay Victorio Tomasa, residente sang Brgy Adlawan, Roxas City.
Narekober sa paghinakop ni Tomasa ang 4 tanan ka sachets sang ginapatihan shabu, P3,500 nga buybust money kun sa diin P100 diri ang genuine; cellphone kag Suzuki Smash nga motorsiklo.
Nagabug-at sang 18 gramos ang nakuha nga mga iligal nga droga nga may balor P122,400.
Sa karon, nagapabilin ini sa karsel sang Roxas City PNP, para sa nagakaigo nga disposisyon kag natalana nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002.
