Masubra 1M ektarya sang mga humayan, posible nga maapektuhan sa pagpanglaslas sang bagyong Marce

Posible nga maapektuhan ang kabug-usan mga isa ka milyon nga ektarya sang mga ulumhan sa dako nga bahin sang pungsod.

Suno sa DA, dako nga bahin sini ang mga humayan.

Base sa datos sang DA, 15.7% sang mga humayan sa mga lugar nga mahimu agyan sang bagyo ang yara sa seedling kag vegetative stage pa lamang samtang yara sa 48.6% naman ang sa maturity stage.

Ang mga ini ang ginalauman nga mahalitan sa mga mabaskog nga hangin kag mabunok nga pag-ulan nga mahimu magdangat sa lapnagon nga pagbaha.

Magluwas diri, ginabantayan man sang DA ang masubra 75,000 ektarya sang mga tanuman sang mais nga mahimu maapektuhan man sa pagpanglaslas sang nasambit nga bagyo.