PONTEVEDRA, CAPIZ – Gindeklarar sang alkalde sa banwa sang Pontevedra ang state of alert kaangot sa Novel Coronavirus (nCoV).
Ini ang ginpahayag ni Mayor Esteban Evan Contreras sang mainterview sang Bombo Radyo Roxas.
Suno kay Contreras nga may duha ini ka nangin pasyente nga gikan sa Hongkong nga nagpacheck-up sa iya klinika bangud may sintomas nga nagasuprer sila sang respiratory diseases.
Bangud diri, gin-abisohan ini ni Contreras nga magkadto sa ospital kun sa ila pamatyagan naglala ang ila nga ginabatyag.
Nagpahanumdum si Contreras sa publiko nga likawan ang pag-uyatay sang kamot kag pagbeso beso sa mga himata nga sa Singapore, Hongkong, Macau kag China sa diin malapnagon ang amo nga sakit sa nasambit nga mga pungsod.
Ba-se sa obserbasyon sang alkalde nga masami nga gina-igo sang balatian ang mga indibidwal nga mahina ang immune system.
Agud mapabaskog ang immune system, nagpanugyan ini sa publiko nga magkaon sang balanse nga pagkaon sa diin dapat yara sa pinggan ang kan-on, utan, isda kag prutas.
Samtang kasunod sang nangin deklarasyon sang alkalde nga ipaidalum sa state of alert ang ila banwa, may lihok man nga gindihon ang Local Government Unit (LGU) sa paghire sang mga sastre ukon manugtahi.
Tuyo sini nga makapatahi sang 50mil ka mga mask nga ipanagtag nga libre sa tagsa ka balay sa banwa sang Pontvedra.
Ini matapos nga out of stock na karon sa mga botika sa Roxas City ang mga face mask kasunod sang nangin kumpirmasyon ni DOH Secretary Francis nga may isa na ka confimed case sang NCOV sa pungsod.
