ROXAS CITY -Ginpapanaogan sang “show cause order” si Dumalag Mayor Eriberto Castro Jr. sang Department of the Interior and Local Government (DILG) angut sa atrasado nga distribusyon sang Social Amelioration Program (SAP) sa banwa sang Dumalag.
Ba-se sa nabaton nga report sang Bombo Radyo Roxas kalakip si Mayor Castro sa 11 ka mga local chief executives nga ginapapanaogan sang show cause order sa bilog nga Western Visayas.
Kalakip sa mga alkalde nga ginpapanaogan sang show cause order sang DILG sa western visayas amo sanday Iloilo City Mayor Jerry Treñas, Mayor Carina Flores sang Oton, Iloilo, Mayor Geefre Alondase sang Alimondian, Iloilo, Mayor Roquito Tacsagon sang Tubungan, Iloilo, Mayor Maria Lina Holipas sang Leon Iloilo, Mayor Suzette Alquisada sang Tigbauan, Iloilo, Mayor Abencio Torres sang Makato, Aklan, Mayor Josephine Iquiña sang Malinao, Aklan, Mayor Rigil Kent Lim sang Caluya, Antique.
Ginahatagan naman sang 48 oras ang nasambit nga mga local chief executives nga maghatag sang eksplinasyon angut sa atrasado nga distribusyon sang nasambit nga ayuda.
Samtang ginalab-ut na sang Bombo Radyo si Mayor Castro agud makompirmar kung nabaton na sini ang show cause order.
