JAMINDAN, CAPIZ – Ginkumpirmar ni Mayor Mac Arthur Valdemar nga magapapili nga alkalde sa banwa sang Jamindan ang iya asawa nga si Donna Tupaz Valdemar.
Sa interview sang Bombo Radyo kay Valdemar, nagligad pa nga tuig naistoryahan sang grupo nga sa pagtapos sang termino sini ang iya tiayon ang magabulos para sa pagpadayon sang mga programa nga naumpisahan sang iya administrasyon.
Suno kay Valdemar nga daku nga desisyon ang ginhimo sang iya asawa nga bayaan ang pagtrabaho sa DepEd kag pilion nga magserbisyo sa pumuluyo sang Jamindan.
Dugang pa sini nga kwalipikado ang iya asawa sa amu nga posisyon kag nagapati nga matungdan ang iya mangin trabaho.
Pahayag pa ni Valdemar nga yara ini sa luyo sang iya asawa kun kinahanglan ang bulig niya sa ikaayo sang banwa.
Samtang kumpleto naman ang ila linyada nga preparado na sa pag-file sang certificate of candidacy sa bulan sang Oktubre.
