Mayor Palomar, gindumilian ang operasyon sang STL sa banwa sang Tapaz

ROXAS CITY- Hugot nga ginadumilian ni Mayor Roberto Palomar ang operasyon sang pataya ukon STL sa banwa sang Tapaz.

Sa pakig-angut sang Bombo Radyo sa alkalde suno diri, gintugutan na dati ang pataya sa ila banwa apang nangin instrumento ini sa pagtuhaw sang iligal nga pasugal.

Suno kay Palomar, imbes magkadto sa gobyerno ang kita sa nasambit nga operasyon nagakadto ini sa mga illegal operators.

Dugang pa sini nga luyag lamang niya sang transparency kun sa diin, makit-an sini kun pila ang ginakita kag koleksyon sang mga operator.

Bukas naman ang talapatan sang alkalde para sa mga STL operators agud mahinalaan ang dapat kag indi nagakapadat sa pagpatigayon sang STL.