ROXAS CITY – Ginpadulungan kag gin-inspeksyon sang bag-o nga alkalde sang siyudad ang mga pasilidad kag propedad sang gobyerno nga ginalakipan sang mga economic enterprises kasubong sang Roxas City Integrated Transport Terminal, Pueblo de Panay Market, Roxas City Dog Pound, Roxas City Slaughter House, Teodoro Arcenas Trade Center, Tieza Riverside Project, Taft Street Government Building kag Dinggoy Roxas Civic Center.
Kaupod ni Mayor Ronnie Dadivas sa pagtsekyar sa mga facilidad ang mga city councilors.
Madamo sang nakit-an nga iregularidad kag problema sa pila ka mga pasilidad sang gobyerno nga gin-implementar sang nagligad nga administrasyon.
Bangud diri, nadismaya si Dadivas sa nakita nga kapaltahan sa mga proyekto kasubong sa pagbisita sini sa Dinggoy Roxas Civic Center sa diin indi kumbinsido ang alkalde sa ginhimo nga pagpakaayo sa amo nga pasilidad kasubong sa basketball court nga indi rubberize, mga saksakan nga wala sa lugar, guba nga CR, mga gabok nga kesame nga nagatulo kun mag-ulan.
Kasunod sini ginkwestyon sang alkalde ang city engineers office sa pagpanguna ni Eng. Rosano Anisco kun ano ang mga ginamit nga materyales sa pagpakaayo sini.
Gintuad ni Anisco sa alkalde nga may yara sang 15 milyones pesos nga pondo para sa rehabilitasyon apang gin-athag sang alkalde nga may yara tanan sang kabug-osan nga 23 milyones pesos rason nga ginpangitaan niya sang dokumento ini.
Apang, kulang ang mga ginpakita nga dokumento ni Anisco sa alkalde rason nga nadismaya man ini.
Dadivas sa pagbisita sa Taft Building bangud nakita sini ang madamo nga basura.
Apang, nagpanugyan man si Dadivas nga pangayuon niya ang plano, maintenance report, status sang rental kag iban pa.
