Ginkumpirmar sang Manila Economic and Cultural Office (MECO) nga wala sila sang nai-rekord nga Pilipino nga nagkalapilasan ukon nabalhag sa pagpanglaslas sang typhoon Gaemi sa Taiwan, nga gintawag nga Bagyong Carina diri sa Pilipinas.
Suno kay MECO Chairman Silvestre Bello III, hugot ini nga nagapakig-angut sa mga migrant offices sa taiwan, sa mga filipino community, kag pati sa mga taiwan manpower agencies.
Ginpaandaman man sini ang mga ini nga gilayon nga magbalita kun may mga naapektuhan nga mga pilipino bangud sa nasambit nga bagyo.
Nahibaluan nga kalabanan sa mga kumpanya nga gina-ubrahan sang mga OFW sa Taiwan, ang nagsunod man sa nangin deklarasyon sang gobyerno sa pungsod nga temporaryo nga gin-cancel ang mga ubra sang mga mamumugon.
Sa karon, indi magnubo sa tatlo na ang nabalhag nga indibidwal sa Taiwan, apang masobra naman sa 220 ang nagkalapilasan bangud sa na-eksperyensyahan nga kalamidad.
