Mekaniko arestado matapos nadakpan sa ginkasa nga drug buybust operation sa banwa sang Pontevedra

ROXAS CITY-Arestado ang isa ka mekaniko matapos nga nadakpan sa ginkasa nga drug buybust operation sang mga katapo sang Provincial Drug Enforcement Unit (PDEU) kag Pontevedra Municipal Police Station sa Barangay Poblacion Ilawod, Pontevedra Capiz.

Ginkilala ang arestado nga si Lyndon Tibayan, 24-anyos residente sang Barangay V, Roxas City.

Nakuha sa posesyon kag kontrol sang arestado ang 9 tanan ka mga plastik sachets nga ginapatihan shabu kag P500 nga buybust money.

Sa karon, nakahunong na sa karsel sang Pontevedra Municipal Police Station si Tibayan kag natalana nga pasakaan sang panombongon sa paglapas sa R.A. 9165 ukon Comprehensive Dangerous Drugs Act of 2002.