Arestado ang isa ka menor de edad matapos nga makuhaan sang isa ka armas luthang sa Barangay Pari-an, banwa sang Sigma.
Ginkilala ang arestado kay alyas “Regie”, 17 anyos, kag residente Barangay Agbalo, Panay, Capiz.
Sa interview sang Bombo radyo kay PCPT Mark Anthony Garcia, hepe sang Sigma PNP, ginpahayag nga may nagpalab-ot sang impormasyon nga concern citizen sa ila talatapan nga may gina-alegar duha ka lalaki nga sakay sa motorsiklo ginapahayag, isa sa mga ini ang nagtaklas sa pader sang eskwelahan sa nasambit nga Barangay, kag gilayon naman nga ila ini ginrespondehan.
Dugang pa ni Garcia nga sang namutikan sang mga tawo nga yara sa lugar, hinali nga nakapalagyo ang isa ka persona sakay sa motorsiklo kag nahabilin naman ang isa.
Mahibaluan nga pagpangawat ang tuyo sang amo nga mga persona rason sa ila pagtaklas sa amo nga talatapan.
Narekober naman sa paghinakop ni alyas Regie ang isa ka unit sang caliber .38 revolver nga may tatlo ka live ammunition, tatlo ka screw drivers, isa ka plier, isa ka small wrench, kag isa ka sling bag.
Sa karon, yara na sa kustodiya sang Sigma Municipal Police Station ang arestado para sa nagakaigo nga disposisyon.
