Naglumpat ang isa ka menor de edad nga babayi sa tulay sa banwa sang Panitan, Capiz.
Sa interview sang Bombo Radyo kay Police Captain Merry Chris Dela Cruz, hepe sang Panitan Municipal Police Station kag Police Information Officer sang Capiz Police Provincial Office, iya ginpahayag nga ang nasambit nga menor de edad ang gulpi lang nga naglumpat nga gilayon man nga nadiparahan sang isa ka lalaki kag ginbuligan.
Suno kay Police Captain Dela Cruz, wala man sang nagluntad nga inaway sa tunga sang menor de edad kag sang iya sini nga iloy nga wala na naghatag sag dugang pa nga detalye.
Pahayag pa niya, yara naman sa estable nga kondisyon ang menor de edad kag padayon ang pag-atipan sang iya nga ginkanan.
Nagpanawagan man ang natungdan nga bantayan sang maayo ang mga kabataan agud nga indi na maliwat ang nasambit nga insidente.
