-- ADVERTISEMENT --
Nagbunga ang paglagas sang Meralco Bolts batuk sa NorthPort 105-104 sa nagapadayon nga 49th PBA Philippine Cup sa PhilSport Arena.
Ginpanas sang Bolts ang 15 puntos nga abanse sang NorthPort tubtob nga may mabaskog sila nga depensa sa 23 segundos nga nabilin.
Si Chris Newsome ang nagpanguna sa Bolts sa kadalag-an nga may 24 puntos, samtang si Chris Banchero ang may 23 puntos kag si Bong Quinto ang nag-amot sang 17 puntos kag siyam ka rebounds, lakip na ang game-winning shot.
Nasayang ang 14 puntos ni William Navarro kag 11 puntos ni Jio Jalalon para sa NorthPort.
