Yara sa medical coma ang Mexican actor nga si Manuel Masalva matapos gin-igo sang agresibo nga bacterial infection.
Suno sa manager sini nga si Jaime Jaramillio Espinosa, na-confine sa ospital sa Dubai, United Arab Emirates ang aktor.
Ginapatihan sang kadam-an nga nakuha sang aktor ang bacteria sang nagbakasyon ini sa Pilipinas sadtong Marso.
Ginpahayag sini nga pag-abot sa Dubai, nakabatyag ini sang pagpalanakit sa lawas rason nga gilayon ini nga gindala sa ospital.
Bangod sang grabe nga impeksion sa bakterya, ginbutang siya sa isa ka medically induced coma agud maprotektahan ang iya utok gikan sa ano man nga kahalitan.
Padayon naman ini nga gina-obserbahan sa ospital matapos nga nadeterminar ang sahi sang bacteria nga nagsulod sa lawas sang aktor.
Mahibaluan nga pila sa ginbidahan sang aktor sa Netflix series amo ang “Greco Family”, “La Guzman” kag madamo nga iban pa.
