ROXAS CITY – Dismayado ang pila ka mga aktibo nga Barangay Health Workers (BHW) sang Brgy. Dumolog matapos nga wala nalakip sa listahan ang ila mga pangalan sa ginapanagtag nga cash incentives sang City Government.
Sa pakig-angut sang Bombo Radyo kay Editha Artates, presidente sang mga BHW’s sa nasambit nga brgy, suno diri 25 sila nga BHW apang 4 lamang ang nakabaton sang P2,000 nga insentibo.
Sa panaysayon ni Artates, Martes sang gab-I nakabaton ini sang mensahe gikan sa kaangay man nga lider nga may yara sang distribusyon nga matabo sa Hunyo 8 sa Civic Center.
Bilang lider, ginpahibalo man sini ang nabaton nga mensahe sa mga kaupdanan sini.
Apang ginkakibot na lamang ni Artates sang yara na ini sa table sang nagapanagtag, nga ginbalik ang iya ID bangud wala ini nalakip sa listahan.
Palaligban suno diri nga wala sila nalakip bangud nakabaton man sila sang P1,000 nga insentibo sang nanligad nga tuig kun sa din nagpromisa pa ang alkalde sang syudad nga pagadoblehon ang insentibo sa masunod nga tuig.
Dugang pa ni Artates, apisar wala sang may nabaton nga insentibo, magapadayon ang ila pagserbisyo sa Barangay.
