Ginatos ka mga babaye nga nakasuksok sang pink ang nagprotesta sa Jakarta, Indonesia batuk sa kapintas sang kapulisan kag dako nga benepisyo para sa mga mamalidha.
Nagdala ang mga ini sang silhig nga nagapatimaan sang ila panawagan nga silhigon ang higko sang estado kag bungkagon ang mga puwersa sang seguridad. Nagdala man sila sang mga placard nga may mga mensahe nga “Reform the police” kag “Your sweet promises cause diabetes”.
Suno sa Alliance of Indonesian Women, tuyo sang hublag protesta nga ipakita nga ginapakigbato-an nila sang matawhay ang inequality nga nagakatabo sa pungsod.
Tubtob subong , padayon sa gihapon ang mga hublag nga ginapatigayon sa Indonesia bangud sa kaakig sang publiko sa mga pulitiko.
Sa subong, may yara na sang reported nga 10 ka mga individwal nga napatay sa padayon nga kinagamo.
Nahibaluan nga nabungguan pa sang salakyan sang pulis ang isa ka food delivery moto-driver sang nagligad nga semana nga nagtuga pa gid sang mas malapad nga hublag protesta sa bug-os nga pungsod.
