Mga baboy nga nagkalamatay sa Brgy. Carida, Tapaz, Capiz, negatibo sa African Swine Fever (ASF) – Prov’l Veterinarian

ROXAS CITY – Ginkumpirma ni Dr. Leonel Abordo, ang provincial veterinarian, nga negatibo sa African Swine Fever (ASF) ang tatlo ka mga blood samples sang mga baboy nga nagkalamatay sa Barangay Carida, Tapaz, Capiz.

Matandaan nga kahapon sang Biyernes, sa interview sang Bombo Radyo kay Engr. Joy Ayupan, senior consultant sang Office of the Municipal Agriculturist nga ginahulat pa nila ang amu nga resulta.

Apang, subong nga aga sang Sabado, ginpahibalo ni Dr. Abordo, sa Bombo Radyo-Roxas nga negatibo sa ASF ang nasambit nga mga blood samples.