Ginpirmahan na ni Senate President Francis Chiz Escudero ang mga subpoenas batok sa mga indibidwal gikan sa walo ka mga construction companies nga napaslawan sa pagpadala sang ila mga tiglawas sa nagapadayon nga imbestigasyon sang Senado sa Flood Control.
Ini ang ipadala subong nga Agosto 26 sa walo ka construction companies nga wala nakatambong sa Senate Blue Ribbon panel.
Ini nga mga kompanya nagalakip sang: Wawao Builders, Topnotch Catalyst Builders Inc., Sunwest Inc., St. Timothy Construction Corp., Royal Crown Monarch Construction & Supplies Corp; L. R. Tiqui Builders Inc.; Hi-Tone Construction & Development Corp kag Alpha & Omega General Contractor & Development Corp.
Ang nasambit nga lihok bilang suporta sa nagapadayon nga imbestigasyon ni Presidente Ferdinand Marcos Jr.
Ginhingadlan sini ang 15 ka mga construction companies nga nakabaton sang dako nga porsyon sang P545 bilyones nga balor sang flood control projects sa idalum sang mga kontrata sang gobyerno.
