Mga empleyado sang Fukushima nuclear plant, gilayon nga nag-evacuate bangud sa paandam sang tsunami

Gilayon nga nag-evacuate ang mga trabahador sa fukushima nuclear plant sang Fukushima pagkatapos nga ginpaguwa ang paandam sa tsunami.

Ginpabutyag sang Japan ang paandam matapos nga nag-igo ang magnitude 8.7 nga linog sa far eastern coast sang Russia.

Ang tanan nga kapin sa 4,000 ka empleyado sang planta nukleyar gin-ibakwit para sa ila kaluwasan.

Wala sang may narekord nga abnormalidad sa planta matapos ang nasambit nga linog.

Matandaan nga sadtong Marso 2011, gin-igo sang magnitude 9 nga linog ang Japan nga ginsundan sang tsunami sa diin masobra 18,000 ka tawo ang napatay.