“Karma na ang bahala”
Ini ang tinaga nga masami nagaguha sa baba sang pila ka mga food delivery riders nga nabiktima sang fake booking sang pila ka mga customers.
Sa pagpakig-angut sang Bombo Radyo kay Mr. Anthony Parbaquel, 5 years na nga food delivery rider, ginpahayag nga madamo na nga beses nga naka-encounter sang fake booking apang suno sa iya, may karma man para sa mga customers nga mga nagahimu sang kasubong sini sa ila nga mga delivery riders.
Dugang pa sini nga, apisar nga naka-encounter sya sang fake booking maswerte na lamang bangud wala ini ginabuhin sa iya nga income, apang kinahanglan lamang sini nga may mapresentar nga mabakod nga ebidensya nga nabiktima ini sang fake booking agud nga ma-reimburse ang kantidad nga kinahanglan bayaran sang customers .
Mahibaluan, nga sang damlag lang may-nagparekord nga isa ka food delivery rider sa Roxas City Police Station kun sa diin ginpahayag nga nabiktima ini sang fake booking.
