ROXAS CITY -Plano sang Chairman sang Committee on Health and Sanitation sang Sangguniang Panlungsod nga magpapasar sang isang ka ordinansa nga magahatag sang dugang nga benepisyo sa mga garbage collectors sa Roxas City.
Ini ang ginpahayag ni City Councilor Cesar Yap Jr. sa ginpatigayon sini nga privilege speech.
Ginkasubo ni Yap sang gin-usisa sini kag nakompirmar nga wala sang benepisyo nga ginabaton ang mga garbage collectors sa siyudad sa pihak sang ginapangatubang nga pandemic.
Suno kay Yap nga magluwas nga tuman ka nubo ang sweldo nga ila ginabaton, wala man ini sila may ginabaton nga mga hazard pay kag wala man ginahatagan sang Personal Protective Equipment (PPE).
Bangud sini, plano sang konsehal nga magpapasar sang isa ka ordinansa nga magahatag sang dugang nga benepisyo sa mga garbage collectors nga nagaserbisyo sa siyudad.
