MANILA – May nakit-an nga mga gin-utod nga parte sang lawas sang lalaki sa sulod sang isa ka drum sa Binondo, Manila.
Ang drum ang nakita sa taytay sang Delpan s, Barangay 286.
Naputos sang plastic ang biktima kag ginbutang sa sulod sang isa ka plastic drum.
Suno kay barangay kagawad Mila Quimpo, isa ka manug-basura ang nakadiskubre sa bangkay matapos siya ginsugo sang isa ka lalaki nga ihaboy ang drum.
Ginaalegar nga nakasakay sa isa ka utility van ang lalaki nga nagsugo.
Ginbutang naman sang soltero sa kariton ang drum kag ginpapanaog sa taytay sang Delpa, kag didto na nadiskubrehan ang biktima.
Pahayag pa sang barangay kagawad, ginbaydan ang soltero sang P300 sa paghaboy sang drum.
Base naman sa imbestigasyon sang mga otoridad sa biktima, may nakita nga lubid sa nautod nga butkon sini kag may inagyan sang pagkahigot sa iya mga tiil.
Sa subong, padayon pa nga ginahibalo sang otoridad ang identity sang biktima.
