Daku ang papel sang mga healthcare workers sa pungsod sa pagpabilin sang ikaayong lawas sang komunidad.
Sa interview sang Bombo Radyo kay Frances Therese Miranda, Supervising Administrative Officer sang Roxas Memorial Provincial Hospital, iya ginpahayag nga ang ginakabig nga healthcare workers amo ang mga doktor, nurses, medical technologists kag iban pa nga personnel nga naga-serbisyo sa ospital kag komunidad.
Suno kay Miranda, mabug-at nga responsibilidad ang ginapangatubang sang mga healthcare workers sa asubong bangud sila ang naga-atipan sang kabuhi sang mga pasyente ilabi na gid sa tion sang emerhensya.
Nahibaluan nga ginasaulog ang World Health Worker Week agud hatagan sang pagkilala ang dedikasyon kag sakripisyo sang mga healthcare workers sa bug-os nga kalibutan.
Nagpahanumdom man ang natungdan sang mas daku nga pagsalig kag kooperasyon halin sa komunidad para sa mas maayo nga sistema sang ikaayong lawas.
