Mga jeepney driver sa probinsya sang Capiz, nagapangampo sa padayon nga pagsaka sang presyo sang gatong

Nagapangampo  ang mga jeepney driver sa probinsya sang Capiz sa padayon nga pagsaka sang presyo sang gasolina bangud man sa nagapadayon nga tensyon sa  Middle East.

Sa interview sang Bombo Radyo kay Edgardo Borreros, Chairperson sang Capiz Transport Cooperative, iya ginpahayag nga bangud sa sobra kataas sa presyo sang gasolina, may mga driver nga nagdesisyon nalang nga magtrabaho sa construction, tungod mas dako pa ang ila nga kita kun ikumpara sa ila kita sa pagbyahe.

Suno kay Borreros, halos wala na sila gawa sang mga pasahero nga nagasakay kag yara nalang sang P300 ang makita sang jeepney driver sa kada adlaw

Nagalaom man ini nga magahatagan sang solusyon sang gobyerno ang padayon nga pagsaka sang gasolina.