ROXAS CITY-Nagsugod na ang pagbiyahe sang mga jeeps nga nagatanyag sang libre nga sakay para sa mga health workers gikan sa mga kabanwahanan nga nagatrabaho sa mga ospital sa siyudad sang Roxas.
Ini ang ginpahayag ni Mr. Glenn Amane, consultant sang Roxas City government sang mainterview sang Bombo Radyo.
Ginpahayag ni Amane nga 19 ka mga units sang mga jeeps ang magadul-ong sang mga health workers halin sa boundary pakadto sa mga ginatrabahuan sini nga mga private hospitals sa siyudad.
Suno kay Amane nga duha ka trips ang biyahe sang jeep sa alas 5 sang aga kag alas 5 sa hapon kun sa diin 9 tubtob 11 lamang ka mga health workers ang sarang makasakay sa jeep.
Gindugang pa sini nga kinahanglan nga magpakita sang hospital I.D. kag dapat nakasuksuk sang facemask ang mga magasakay nga mga health workers.
Mahibaluan nga nagdangop kay City Mayor Ronnie Dadivas ang mga ospital sa siyudad kasunod sang pagkanselar sang mga biyahe bangud sang Enhanced Community Quarantine (ECQ) sa probinsiya.
