Narekober na sang mga katapo sang kapulisan sa banwa sang Pontevedra kag Panay ang 15 tanan ka mga laptop nga ginpahayag ginkawat sa Luis Escutin National High School sa Barangay Duyoc, Dao, Capiz.
Base sa nakuha nga impormasyon sang Bombo Radyo, nahibaluan nga yara sa 8 ka laptop ang naturn-over sang concern Citizen sa mga barangay officials sa Barangay Agbalo, Panay Capiz samtang 7 naman ang na turn-over sa may bahin sang Barangay Agdalipe Pontevedra Capiz.
Matandaan sang damlag lang may asud-asod nga nagluntad nga kinawatay sa banwa sang Dao, Ivisan kag Sigma kag isa ang buluthuan sang Luis Escutin National High School sa Barangay Duyoc, Dao, Capiz ang biktima sini.
Dugang pa nga ginpahayag ang amo nga laptop ang ginbaligya sa banwa sang Panay.
Sa karon, yara na ang nasambit nga mga laptop sa kustodiya sang Capiz Police Provincial Office (CPPO) para sa nagakaigo nga disposisyon.
