ROXAS CITY -Pabor ang Provincial Inter-Agency Task Force on Covid-19 Disease sa plano sang mga gobernador sa Western Visayas nga indi na pagpasugtan pa nga makapauli sa mga kaprobinsiyahan ang mga Locally Stranded Individuals nga nagapabilin nga stranded sa luwas sang rehiyon kasunod sang pagpaidalum na sa Modified General Community Quarantine sa bilog nga rehiyon sa maabot nga bulan sang Hunyo.
Sandig sa ginkasugtan sang mga gobernador sa western visayas nga indi na pagpasugtan nga makabalik sa tagsa ka mga kaprobinsiyahan ang mga nastranded nga mga LSIs.
Gindugang pa dri nga ang mga flights sang eroplano kag biyahe sang mga barko ang magapabilin nga kanselado sa pihak sang MGCQ.
Hugot naman nga ginapamatukan sang Task Force ang pormal nga pagbukas sang klase sa maabot nga bulan sang Agosto.
Samtang natalana naman nga mag-apelar ang provincial inter-agency task sa NAITF on Covid-19 Disease nga igapabilin sa General Community Quarantine (GCQ) ang mga kaprobinsiyahanan sa Western Visayas.
