Mga lugar nga nagdeklarar sang state of calamity, nagdamo bangud sa epekto sang habagat

Nagtaas ang numero sang mga lugar sa pungsod nga nagdeklarar sang State of Calamity bangud sa epekto sang bagyo Crising kag Habagat.

Sini nga Miyerkules, Hulyo 23, nagdeklarar sang state of Calamity ang syudad sang Meycauayan, Bulacan.

Kadungan sini nga adlaw, gindeklarar ang state of calamity sa syudad sang Marikina.

Ginpahayag ni Marikina Mayor Maan Teodoro nga katuyuan sang pagdeklarar sang state of calamity agud mapadasig ang pagpanagtag sang ayuda sa mga apektado nga pumuluyo.

Magluwas sa nasambit nga lugar, nagdeklarar man sang state of calamity ang mga lugar sang Cainta, Rizal; Calumpit, Bulacan; Siyudad sang Manila; Syudad sang Quezon; Malabon City, Dagupan City kag Cavite.