ROXAS CITY-Ginkadismaya sang presidente sang Brotherhood of Riders-Capiz Chapter ang pagbawi sang National Inter-Agency Task sang pagpahamtang sang barrier sa mga motorsiklo partikular na sa mga naga-updanay sa sulod sang isa ka balay.
Ginpahayag ni Chap Rider Russel Monton Ban nga ginkalipay man sini nga napadumduman sang IATF nga bawion ang nasambit nga layi apang atrasado na sang ila ini ginbawi.
Suno kay Ban nga madamo na nga mga motorcycle riders ang nakabakal sang barrier antes pa man ginbawi ang nasambit nga pagsulundan bangud sang kahadluk nga madakpan kag mamultahan sang mga otoridad.
Magluwas diri, madamo naman suno kay Ban ang nagkaladakpan kag ginpabayad sang multa kalakip ang anak sini nga nadakpan sa Bacolod City.
Madamo man suno sa iya ang nagkala-aksidente bangod sa barrier kalakip ang pipila ka mga rider sa probinsiya.
Gintawag man ni Ban nga wala sang pulos ang nasambit nga pagsulundan kag nagdugang lang sa huol kag gasto sa mga riders.
Nagpanawagan naman ini sa gobyerno nga mag konsulta sa mga natungdan antes mag implementar sang isa ka pagsulundan
