Mahimo sa gihapon nga makabyahe sa mga dalanon sa syudad sang Roxas ang mga motorsiklo nga nagagamit sang improvised kag temporary plate number.
Sa interview sang Bombo Radyo kay Ma. Lourdes Casipe, Chief sang Land Transportation Office (LTO)- Roxas City District Office, iya ginpahayag nga ginsuspend anay ang Memorandum Circular no. VDM-2025-4674 ukon ang pagdumili sang provisional improvised kag temporary plate number bangud wala pa mahatag sang talatapan ang tanan nga mga plaka.
Suno kay Casipe, sa tion nga magpapanaog liwat sang memorandum nga pormal na nga nagadumili sang nasambit nga plate number, hugot na nga magapatigayon sang pagpangdakop ang Transportation Office (LTO) nga may lakip nga multa sa mga magdakpan.
Pahayag pa niya, ang mga motorista nga wala pa makakuha sang plaka, mahimo nga makuha ini sa talatapan kag magdala lamang sang Certificate of registration, Official receipt kag valid ID.
Dugang pa sang natungdan, kinahanglan ang pagsunod sa layi sang trapiko agud malikawan ang multa kag disgrasya sa dalanon.
