Nagpadala ang Armed Forces of the Philippines (AFP) sang kapin pito kag tunga ka tonelada nga relief goods para sa mga nabiktima sang Bagyong Julian sa Batanes.
Ang mga ayuda ang ginsakay sa C-130 plane sang Philippine Air Force (PAF) halin Villamor Airbase sa Pasay City padulong sa Basco, Batanes.
Kabulig sang Pilipinas ang 2 pa ka C-130J aircraft sang US Marines nga nagdul-ong man sang mga bulig sa mga naapektuhan sang bagyo.
Kalakip sa mga ginpanghatag nga bulig ang mga bugas, mineral water kag mga tubig kag delata nga pagkaon gikan sa Department of Social Welfare and Development (DSWD), USAID kag pribado nga sektor.
Ang mga tikang nga ini sang Pilipinas kag Amerika ang nagapamatuod sang makusog nga alyansa sang duha ka magkaalyado nga pungsod nga madul-ungan sang bulig ang mga Pilipino nga ginpanglaslas sang Bagyong Julian.
