ROXAS CITY – Gin-athag ni Datu Janjan Benroy, pamilya sang isa sa mga nadakpan nga nagapatigayon sang ilegal nga bulang sang mga kapulisan nga kabahin sang ila nga kustombre sa tagsa ka paghilapit sang ila kapistahan bilang mga indigenous people sa Barangay Wright, Tapaz, Capiz.
Suno kay Benroy nga kabahin na sang ila nga tradisyon ang pagpaaway sang manok kag suno diri wala man sang tay-anay nga nagakatabo.
Ginpanindugan ni Benroy nga wala sila nakahibalo nga bawal ang magpatigayon sang bulang.
Apang antes sila nagapatigayon sang pabulang, nagapadulong pa sila sa alkalde sang Tapaz agud magkuha sang permit sa ila ginahimo nga aktibidad.
Nagapati si Bernal nga wala sang pustaanay nga nagakatabo.
Sa pagkamatuod suno sa iya wala nagtuyo nga magpalagyo ang ila mga kaupdanan bangud wala man sila sang dapat kahadlukan bangud wala sang tay-anay ang ila pagpaaway sang manok.
Ang amo nga kustombre suno diri ang madugay na nila nga ginahimo rason nga wala sila nagalaum nga madakpan ang pila nila ka mga kaupdanan.
