Mga personnel sang roxas city pnp, ginpaidalum sa random drug testing

ROXAS CITY – Ginpaidalum sa random drug testing ang mga kapulisan kag non-uniformed personnel (NUP) sang Roxas Component City Police Station kaupod ang City Government kag City Health.

Ginpahayag ni PLt Col. Aron Palomo, hepe sang Roxas City PNP ang nasambit nga insyatibo ang kabahin sang internal cleansing policy sang Philippine National Police (PNP) agud masiguro nga hilway kag wala nagagamit sang iligal nga droga ang mga kapulisan.

Nagalaum naman ang hepe, nga wala sang mga personnel sa idalum sang iya liderato nga magpositibo sa iligal nga droga.

Pananglitan magpositibo sa random drug testing ang isa ka pulis, magapangatubang ini sang kaso nga grave misconduct kag posible nga mapahalin sa serbisyo.