Naguwa sa isa ka pagtuon sang ROSHI, isa ka fintech firm sa Singapore, nga ang mga Pilipino ang may pinakamataas nga lebel sang pagka-butigon kag dayaon pag-abot sa kwarta sa bilog nga Southeast Asia.
Base sa datos, 47% sang mga Pilipino ang posible wala nagahatag sang insakto nga impormasyon natuhoy sa ila nga sitwasyon pinansyal.
Kalakip sa mga rason ang pagka-bugalon, present bias ukon ang batasan nga gina-una ang paggastos kaysa pagtipon, kag kultural nga “face-saving”.
Pinaka-butigon ang mga yara sa edad 21 tubtob 34, samtang mas tampad naman ang mga yara sa edad 50 pataas.
Nagapanawagan ang mga eksperto para sa mas malapad nga financial education kag mga programa nga makahatag igtalupangod sa mga kultural nga bahin sang pagkabutigon kag dayaon pag-abot sa kwarta.
