Nagapanawagan sang dugang bulig ang mga pumuluyo sang probinsya sang Masbate pagkatapos maigo sang Bagyo Opong.
Suno kay Bombo Correspondent Gil Bayaban, tuman ang kabudlay sang pangabuhi nga ginapangatubang sang pila ka mga pumuluyo sa probinsya bangud sa halit nga ginbilin sang bagyo.
Suno pa sa iya, indi pa bastante ang mga bulig nga nag-abot gani sa gihapon padayon ang ila pagpanawagan agud gilayon nga makabangon sa naagyan nga kalamidad.
Pahayag pa niya, may pila man ka mga pribado nga mga indibidwal ang nagtanyag sang bulig sa mga pumuluyo agud makalampuwas sa pang-adlaw-adlaw nga kinahanglanon.
Nahibaluan nga ginpaidalum sa state of calamity ang probinsya sang Masbate pagkatapos maigo sang Bagyo Opong kag nag-angkon sang tuman nga kahalitan sa mga panimalay,imprastraktura kag agrikultura.
