Ginpanugda sang mga telecommunications company sa pungsod nga dapat mahatagan sila sang subsidiya sang gobyerno para sa data plans sang mga Pinoy nga naga-istar sa liblib nga lugar.
Sa nasambit nga plano, pagahatagan ang mga ini sang SIM cards nga otomatiko nga may 50 gigabytes nga unod kada tuig.
Ang nasambit nga sim cards ang mahimo nga magamit na sang lima ka miyembro sa isa ka balay para magka- internet access sa edukasyon, healthcare, government services kag economic opportunities.
Nagadangat sa 7,063 barangays ang ginakabig sang mga ini nga Geographically Isolated and Disadvantaged Areas (GIDAs) nga ginakabug-usan sang yara sa 25 milyon ka residente.
Una nga ginsiling ni Presidente Ferdinand Marcos Jr sa iya nga State of the Nation Address nga iya pagasuportahan ang policy reforms para sa common towers nga magahatag sang connectivity sa mga Pilipino.
