Nagahingyu sang dugang nga P5 sa minimum fare ang mga tricycle driver bangud sang padayon nga pagtaas sang presyo sang gatong.
Sa interview sang media kay Joseph Trinidad Soberano, spokesperson sang Roxas City Tricycle Operators and Drivers Association (TODA), iya ginpahayag nga labing apektado gid ang transport sector tuga sang padayon nga pagsaka sang presyo sang krudo kag iban pa nga galastusan sa pagbiyahe.
Suno kay Soberano, kun maaprubahan ang P5 nga dugang, ang sa subong nga
P15 nga minimum fare sang tricycle sa syudad mahimo na nga P20.
Tinutuyo sang amo nga proposed fare increase ang makapiyan-piyan sa ila pang-adlaw-adlaw nga pangabuhian kag mabawi ang ginagastos sa gasolina, maintenance sang tricycle kag iban pa nga operational expenses.
Sa subong, nagahulat na lang ang natungdan sa mangin desisyon sang Roxas City Government angut sa ginahingyu nga dugang nga pamasahe.
