Nakabaton ang Philippine Coast Guard (PCG) sang indi magnubo sa walo ka radio challenge halin sa mga Chinese warship samtang nagapatigayon sang patrol sa Bajo de Masinloc sa West Philippine Sea.
Sa amo nga maritime domain awareness flight sang PCG, namonitor ang napulo ka barko sang China ang yara sa sulod sang Exclusive Economic Zone (EEZ) sang Pilipinas.
Lakip diri ang lima ka maritime militia vessels, tatlo ka barko sang China Coast Guard, kag duha ka warship sang China Navy.
Suno kay PCG Spokesperson for West Philippine Sea Commodore Jay Tarriela, nagsabat sang nagakaigo ang eroplano sang PCG sa mga radio challenge, kag ginpahayag nga yara sila sa teritoryo sang Pilipinas kag lehitimo ang ila paglupad bilang kabahin sang pagbantay sa West Philippine Sea.
