SAN JOSE, BATANGAS- Patay ang isa ka ginang sa San Jose, Batangas matapos ginkastigo kag ginbuno sang makapila ka beses sang iya nga bana bangud sa ginapahayag pagpangimon.
Sandig sa report, nakita sa Closed Circuit Television nga dimos sang dugo kag kaangay nagalangas sang pagginhawa ang biktima sang naguwa halin sa ila nga balay. Pila ka minuto ang nakaligad, gingan-it pa ini sang iya nga bana kag ginsumbag sa nawong.
Antes ang insidente, ginbuno na sang mister ang ginang sa sulod sang balay. Gintestingan pa nga magpalagyo sang biktima apang wala na ini nakatigayon kag ginbawian na sang kabuhi.
Sa imbestigasyon, nagaguwa nga bangud sa tuman nga pagbinaisay ang insidente, nga may kaangtanan sa pagpangimon. Nakit-an ang suspek nga nagpanago sa isa ka bubon malapit sa ila nga balay gamit ang thermal drone sang kapulisan.
Sang madakpan na ang amo nga mister, nahibaluan nga may yara ini sang diabetes kag nagka-seizure pa.
Ginpaidalom ini subong sa hospital arrest kag nagapangatubang sa kaso nga parricide.
