Ginkumpirmar ni Miss Universe 2025 3rd Runner-Up Ahtisa Manalo, nga padayunon niya ang iya trabaho sa nonprofit organization nga Alon Akademie, nga nagatutok sa paghatag sang patas nga mga oportunidad sa mga pamatan-on gikan sa low-income backgrounds.
Matandaan nga sa Q&A portion coronation, si Ahtisa naghambal nahanungod sa iya adbokasiya para sa mga pamatan-on sa Alon Akademie, nga nakakuha sang mabaskog nga palakpak gikan sa mga tumalan-aw.
Ginpakilala ni Ahtisa ang Alon, sa iya “Beyond the Crown” nga advocacy video, sa diin iya ginpadaku nga magluwas sa paghanda sang mga mamumugon, dapat man naton ihanda ang mga lideres kag tagipusuon sang mga pamatan-on.
Suno sa iya, kapin sa 2.1 milyon ka mga pamatan-on nga Pilipino ang wala makaeskwela, wala sang trabaho, kag wala nahanas, indi bangud sa kakulang sang potensyal kundi bangud wala sang may nagatudlo sa ila kon paano ini gamiton.
Apisar nga wala sini nakuha ang korona, ginapabugal ni Ahtisa nga nakasulod ini sa Top 5 sang Pilipinas nga ulihi nga nalab-ot sang pungsod pinaagi kay Beatrice Luigi Gomez sadtong tuig 2021 sa Israel.
