Ginpa-anggid sa bantog nga fictional character online nga si “Linda Walker” si Miss universe Philippines 2020 Rabiya Mateo matapos nga nag-top sa National Medical Admission Test (NMAT).
Nakakuha si Rabiya sang 741 points nga nagbutang sa iya sa Top 1 sa mga examinees sa Pilipinas.
Naglabaw ini sa score sang fictional character nga nakakuha sang 719 puntos sa National Medical Admission Test.
Ginpakigahin man sini sang nagligad nga mga binulan nga gusto sini magbalik sa medical school kag isa sa mga tikang sini amo ang pagkuha sang nasambit nga exam.
Suno pa sa Ilongga beauty queen nga gusto sini gamiton ang iya kaalam kag ihibalo para makabulig sa iban.
Nahibaluan nga ang National Medical Admission Test (NMAT) isa ka standardized exam nga kinahanglan maagyan sang kadam-an nga gusto magpursue sa medical school sa Pilipinas.
