Dakop ang isa ka mister matapos ang ginkasa nga drug buybust operation sang mga otoridad sa Sitio Tagudtod, Barangay Poblacion Norte, Ivisan, Capiz.
Ginkilala ang nadakpan nga si alyas Ferdinand kag residente sang nasambit nga barangay.
Sa impormasyon nga nakuha sang Bombo Radyo nagikan sa Ivisan MPS, ginpahayag sini nga ginakabig nga Street Level Individual ang suspek sa pagduso sang ilegal nga droga.
Natigayon naman ini nga madakpan sa gintingub nga pwersa sang Capiz-PPDEU, Cluster SDET kaupod nga Ivisan MPS, Mambusao MPS kag Sigma MPS,
Samtang, narekober kay alyas Ferdinand ang 5 tanan ka sachets sang ginapatihan shabu, P500.00 nga buy bust money kag drug paraphernalia.
Sa karun, natalana na ini nga pasakaan sang nagakaigo nga kaso nga paglapas sa Republic Act 9165 ukon comprehensive dangerous drugs act of 2002.
