ROXAS CITY – Patay ang 36-anyos nga mister nga ginaalegar ginhatuk-hatuk labo sang wala matumod nga suspetsado sa Barangay Santa Rita, Dumalag Capiz.
Nag-angkon sang 31 ka mga kasamaran sa ulo, liog kag lawas ang biktima nga si Michael Fuyonan sang nasambit nga lugar.
Sandig sa inisyal nga imbestigasyon sang Dumalag Municipal Police Station nga ginhaboy sang bato ang balay ni Fuyonan apang pag-guwa sini agud tsekyaron kun sin-o ang naghaboy hinali ini nga ginlabo sang wala matumod nga suspetsado.
Gilayon nga gindala sa ospital si Fuyonan apang gindeklarar nga dead on arrival sang doktor.
Narekober naman sang mga kapulisan sa lugar ang isa ka sanduko nga ginapatihan gingamit sa paglabo sa biktima kag tsinelas nga ginapanag-iyahan sang suspetsado.
Sa karon, yara na sa isa ka punenarya ang bangkay ni Fuyonan kag natalana nga ipaidalum sa Autopsy Examination.
Ginaalegar nga may yara diperensya sa paminsaron ang nasambit nga biktima
