ROXAS CITY-Pilason ang 29-anyos nga mister matapos nga ginaalegar ginlampusan sang tubo sang duha ka mga persona nga tuyo sini kuntani nga bun-on sa Sitio Sakup, Barangay Culasi, Roxas City.
Ginkilala ang biktima nga si Mark Rodrigo sang nasambit nga lugar.
Sa pagpangusisa sang Bombo Radyo News Team nga samtang nagapauli na ang mga suspek nga sanday Jupiter Portante, 45-anyos kag Dexter Almorfe, 26-anyos nga lunsay mga residente sang nasambit nga lugar sang ginapahayag ginbangaan ini sang biktima kag tuyo kuntani nga bun-on.
Apang, wala man nabuno sang biktima ang mga ini rason nga ginlampusan na lamang ini sang mga suspek.
Nag-angkon naman sang pilas sa ulo ang biktima nga gilayon naman gindala sa Roxas Memorial Provincial Hospital kag padayon sa karon nga ginabulong.
Samtang, madasig naman nga nagpalagyo ang duha ka mga suspek nga gilayon man ginlagas sang mga katapo sang Philippine Army.
Apang, sa ulihe boluntaryo man nagsungka ang mga ini sa mga otoridad.
