-- ADVERTISEMENT --
ROXAS CITY – Pilason ang isa ka 59-anyos nga mister matapos nga nabungguan ang layaw nga ido sa Roxas Avenue, Roxas City.
Ginkilala ang biktima kay Hernan Degala sang Barangay 3, sining siyudad.
Base sa inisyal nga imbestigasyon sang Roxas City PNP nga samtang ginasubay sang biktima sakay sa iya motorsiklo ang dalanon naggikan sa Barangay Bolo sang hinali na lamang nagtabuk ang layaw nga ido rason nga nadulaan ini sang kontrol sa pagmaneho.
Bangud diri, nag-angkon sang pilas sa lawas ang biktima kag gilayon nga gindala sa ospital agud dapatan sang nagakaigo nga pagbulong.
