-- ADVERTISEMENT --
ROXAS CITY-Pilason ang 58-anyos nga mister matapos nga nakabunggo sang layaw ang motorsiklo nga nasakyan sa Barangay Tanque, Roxas City.
Ginkilala ang biktima nga si Alex Trinidad, residente sang Barangay Milibili sining siyudad.
Sandig sa inisyal nga imbestigasyon sang traffic section sang Roxas City Police Station nagaguwa nga samtang ginasubay sang biktima ang dalan aksidente sini nga nabungguan ang layaw nga ido nga hinali lang nga nagtabok sa dalan.
Bangud sini, nadulaan sang kontrol sa manibela ang biktima kag dalayon nga natumba sa dalan.
Gindala sa Roxas Memorial Provincial Hospital ang biktima kag padayon sa karon nga ginabulong.
-- ADVERTISEMENT --
