ROXAS CITY – Arestado ang isa ka miyembro sang LGBTQIA+ sa ginkasa nga drug buybust operation sa gintingob nga pwersa sang Provincial Drug Enforcement Unit (PDEU), SDET Sigma MPS, Sapian MPS kag Ivisan MPS kag koordinasyon sang PDEA 6.
Ginkilala ang arestado kay Cristy Joy Compuesto Evangelio, 23- anyos kag residente sang Brgy. Amaga, Sigma, Capiz.
Nakuha sa posesyon sang suspetsado ang 2 sachets sang suspected shabu, cellphone, P1, 000 buybust money, isa ka wala unod nga plastic sachet kag motorsiklo sang suspek.
Kapin P6, 800 ang Standard Drug Price sang isa ka gramo nga suspected shabu nga nakuha kay Evangelio.
Magapangatubang sa panumbungon nga paglapas sa RA 9165 ukon “Comprehensive Dangerous Drugs Act of 2002” ang nasambit nga persona.
Sa karon, yara na sa kustodiya sang Sigma MPS ang suspetsado para sa nagakaigo nga disposisyon.
