-- ADVERTISEMENT --
ROXAS CITY – Nagpa-rekord sa Roxas City Police Station ang isa ka miyembro sang Roxas City Environmental Sanitation Enforcement Team (RESET) matapos nga ginaalegar nga may isa ka persona nga nagtuga sang kinagamo sa Teodora Arcenas Trade Center (TATC) sa Barangay 8, Roxas City.
Suno kay Lemuel Bodegas, 48-anyos sang Barangay Adlawan sining siyudad nga may nagpahibalo sa iya nga may yara sang isa ka persona nga nagatuga sang kinagamo sa amo nga merkado.
Didto kag ginkadtuan sang tagreklamo ang suspek nga ginkilala kay Jay-Ar Egos 22-anyos sang Barangay Lawaan sining siyudad.
Gilayon naman nga nagpangayo sang police assistance ang tagreklamo kag temporaryo nga ginkustodiya sa Roxas City PNP ang amo nga suspek.
