Nagapanawagan ang isa ka lalaki matapos nga nadula ang iya motorsiklo nga ginparking sa Roxas Avenue, Roxas City.
Sa interview sang Bombo Radyo kay Arje Bonza, ginpahayag sini nga may ginkuha ini sa toolbox sang iya motorsiklo kag nalipatan sini nga kuhaon ang iya sini nga yabe.
Samtang, nagakaon ini kaupod ang iya kaupdanan kag maluto na ini kuntani apang, nadiparahan sini nga wala na ang iya motorsiklo nga naga-parking sa guwa.
Dugang pa sini, suno sa iya kaupdanan ginapahayag nga may nakita ini nga lalaki nga kaangay naga-tsekyar sa palibot apang wala man ini nila ginsapak.
Ang nasambit nga motorsiklo ang isa ka Honda Click nga nagaduag sang gray kag may yara sang chassis number nga K2VL1107952.
Sa karon, ginapanawagan sini sa publiko nga kun sin-o man ang makakita ukon mabaligyaan sang nasambit nga motorsiklo ang gilayon mag-report sa mga otoridad ukon magtawag sa numero nga 09512190436/09850154665.
