Motorsiklo sang isa ka merchandiser ginkawat samtang naka-park sa isa ka daku nga mall

ROXAS CITY – Nagparekord sa pulisya ang isa ka 24-anyos nga merchandiser matapos nga ginaalegar nga ginkawat ang iya nga motorsiklo sa isa ka daku nga mall sa Arnaldo Boulevard, Roxas City.

Ginkilala ang tagreklamo nga si Jeff Cyril Vidal sang Burgos Ilawod, Barangay Tanque, Roxas City.

Nahibaluan nga sang aga ginbilin sini ang iya motorsiklo sa parking area kag ulihi na sini natukiban sang kuhaon niya na kuntani ang amo nga motorsiklo apang wala na ini sa lugar.

Bangud diri, ginpakamaayo na lamang sang tagreklamo nga iparekord sa pulisya ang insidente.

Padayon naman ang imbetsigasyon sang mga kapulisan sa nasambit nga insidente.