ROXAS CITY – Nagpaathag ang pamunuan sang Metro Roxas Water District (MRWD) natuhoy sa masami nga pigado nga suplay sang tubig sa ila mga konsumidor.
Suno kay MRWD-General Manager Engr. Gonzalo Glen Delgado, ang pigado nga suplay sang tubig ang resulta sang isahanon na lamang nga set sang 75 horsepower nga pump.
Ginklaro sini nga nagbakal naman ang ila talatapan sang isa ka dugang nga pump kag karon ‘for delivery’ na.
Aminado ini nga naatrasar gidman ang pag-abot sang amo nga pump bangud man sang pandemiya.
Magluwas diri suno sa iya, nagaagi pa ini sa nagakaigo nga proseso kapareho sang bidding.
Apang suno kay Delgado, sa tion nga mag-abot na ang amo nga pump, mapaayo na ang suplay sang tubig sa mga konsumidor.
Gindugang pa ni Delgado nga may yara pa sila sang isa pa gid ka 75 horsepower nga pump nga nagapadayon naman ang bidding.
Nakahanda man suno diri ang talatapan sang MRWD nga tsekyaron ang mga lugar nga may mahina nga suplay sang tubig agud mahatagan sila sang konsiderasyon pag-abot sa balayran.
